Зэн

Зээ энэ зэн гэж зүйлийн талаар өөрийн бодлоо үг болгохын урьдаар жижигхэн танилцуулга та нартаа болон өөртөө хүргэе ээ.

"Зэн буддизм: Хятад, Японд түгсэн буддын шашны урсгал бөгөөд хөхийн шашин гэж мөн нэрлэдэг. "Зэн" гэдэг нь "чан" буюу "дяана" гэсэн үгнээс гаралтай. Зэн буддизмын багш нар шавь нартаа ихэвчлэн аман хэлбэрээр болох коануудаар сургаалиа дамжуулдаг байсан."
гэж википэдиа дээр бичсэн байна. Монголд тийм ч өргөн дэлгэрээгүй энэхүү урсгалын онцлог нь нарийн чанд биеэ хянах чадвар, бясалгах үйл,  буддын гүн ухааныг ойлгох түүнийг өдөр бүрийн амьдралдаа цогцлооход оршдог. Зан үйлийн талаар бясалгал коан хоёроос өөрийг мэдэхгүй учраас судлах хүсэлтэй нэгэн нь цааш судална биздээ.

Миний зэнтэй танилцсан түүх их энгийн л дээ...
Хүн ер нь ямарваа саад бэрхшээлийг даван туулах зөнтэй байдаг юм гэнэлээ. Би тэр л зөнгөө дагасан хэрэг. Оюутан насыг үзэж туулаад 2 жил өнгөрсөн байж. Гэнэтхэн л гадаад улсыг зорьж эрдэм номын мөр хөөх болсон байлаа. Очлоо... Гэрээ санана гэдэг чинь хачин... Цээжинд нэг хар юм буглачихаад яасан ч салдаггүй. Монгол үүх түүх, дуу, кино, нэвтрүүлэг, ном, сэтгүүл, сонин за бүх л зүйл нь хэзээ хэзээнээс илүү сонирхол, хайр татна бас санасан сэтгэлийг хоромхон мартуулна. Энэ л үед байгаадаа сэтгэл ханаж, амар амгалангийн шалтгааныг хайж бясалгаж эхэлсэн юм.

Байгаа бүхнийг тэр чигээр нь хүлээж авч, амьдралдаа ямарч хүлээлтгүй, зүгээр л амьдар.

Сэтгэлийн амар амгалан гэдэг нь

Юу ч хийхгүй зүгээр суухад л
Зөвхөн бий болдог зүйл бишээ
Аливаа үйлийг хийж үйлдэж байхдаа ч ...
Амар тайван байж чадаж байвал
Тэр сая жинхэнэ сэтгэлийн амар амгалан болох юм